السفيــــــــــــــــــــــــنه.

[الضـــــــــامي]

ضاقت اوساع الفيافي والوعد متن السفينه
للطريق الي دعاني بعد امان الله وامانه
لا تناديني وصوني قلبك الله لا يهينه
لا يراهن في رجوعي لجل مايخسر رهانه
ليه ما ارحل عن غرامك بعد ما ذقت الغبينه
اذكري لي شي واحد يستحق اقعد عشانه
قلب ما حن لوصالي ماني في حاجه حنينه
وانا اشهد انه ما يعزر بالرفيع الا هوانه
الهوا الغدار حد الله ما بيني وبينه
والرجل لا خير فيه انا ما حفظ قدره وصانه
واحد مثلي اليا من حدته عوجه سنينه
ما شكا لااقرب ابن ادم لوهو اغلى من اخوانه
يوم قلبي ما عصاك وما قدرتي تذبحينه
ليه خنتي فيه وانتي معه بنفس الديانه
كان ذبحي بيدك ارحم لي من اللي تفعلينه
وان طلبتك تذبحيني ما ذبحتيني لعانه
كل جرح من جروحي تذكرينه تنكرينه
كن مالك في نزيفه يد خانت بالامانه
ينزف الخافق تواضع لين لطختي جبينه
ولا انا ما كنت ابيها توصل حد الاهانه
قلت من باب الميانه صاحبك تعذبينه
لعن ابوك ارحخي معي شوي ما صارت ميانه
طعت عقلك يوم قيل ان العقل بالبنت زينه
لكن الشرهه علي اللي كنت احسب انك اتكانه
من بعد ما كنتي انتي في حشاي اغلى سجينه
بوعدك بطلق صراحك واتهمني بالادانه
وين رايح ؟؟؟ لأي درب ما يرجع للمدينه
ليه رايح ؟؟؟ لأن قلبك ما ترك قلبي وشانه
كيف ابنسى ؟؟؟ ربي اللي ملهم القلب السكينه
مثل ما عانه بقربك لا نوى فرقاك عانه
كان قاسي يجرح اطراف السكاكين السنينه
ما يطيح وبنت مثلك حبها هزت كيانه

يتبع00000000

[عاشق سراااب]

الله يحييك أخوي الضامي بين أخوانك أعضاء المنتدى
وشرفنا وجودك بيننا
وأسعدتنا مشاركتك لنا

لكن ما كلمت لنا القصيده ليه ؟

ذوقك راقي

يدل على تذوقك للشعر

بإنتظار جديدك

وإبداعك

تقبل تحيات اخوك عاشق سراااب