أبيات وصلت برسالة جوال .. ورديت عليها وصار بيننا زعل ( ياليت تحكموا بيننا)

[عاشق سراااب]

وصلتني رسالة جوال من شاعر له مكانــه مرموقه في الساحــه الشعريه ومحتواها هالأبيات التاليه :

انا مــع الطــيـــب عــلى كل بابـــه

اللـي ورى ظــني تـعــدا هــقاويـــه

أحسـب حســابه وأتحــمل عـتــابه

اللي مـن الحكـمه نـتايـج مباديــه

واللي يــجي يمي هـلا مرحبابــه

عــلى المــيســور والله يحـيـــــه

ومن صــد عنا ما حسبنا حســابه

لاهــو براجيني ولانـــي براجيـــه


( أحرقتني هالأبيات دقايق لأن فيها مكابــره وأنا عنــيد و القصد كبير جداً جداً ) والمهــم أني رديت عليه بأبيات مثلها وكبر الموضوع وزاد زعله علي ويقول أني أخطيت في حقــه وأحترت وياه .. ولا أدري من فينا المخطي .
وياليت تحكموا بيننا :
وابياتي هي :


بــعــض الهقــاوي يالعــتيبي تشـــابه

وأنتــه لبيــب وخــل عـنــك المشاريه

أنا معـــي ربعـــن وعــــزوه ولابــه

ظلن ليا شـــد اللظــى نحــتمي فيــه

الحر يا (. ... ) يــطـــول المهـــابه

أشارة أهـــل العــقل ياذيـب تكفيــــه

الحــر يرقـــى لو يضيــق الخلا بــه

وعــلى دروب المـــرجله لا توصيــه



وسلامـتكم
ولازال الموضــوع مستمر عبر رسائل الجــوال

وش رائيــكم ؟

[talal]

السلام عليكم ورحمة الله وبركاته
اخوي عاشق سراب قريت الابيات اكثر من مره واستنتجت ان هنااك ما هو سبب لهذه المعاتبه .. ولكن ..

اشوف انه لكل كلمة معنى حسن ومعنى سيئ والواجب على الصاحب انه ياخذ الجانب الحسن ويترك السيئ
وللأمانه لم اجد في ابيات العتيبي اي غلط عليك ،، ولم اجد اي إساءة لشخصك

لذلك ارجو قبول هذه الابيات المتواضعه مني :
من يسال الاصحاب يلقى جوابه
من كل واحد دام عقله يقديه
الطيب بين الناس كل شرابه
والعاقل يسوم الم**ٍب ويشريه
ومعاتب الاصحاب يامرحبا به
من صاحب لصاحب اذا كان يغليه
وان كان بتدقق على كل إجابه
تلقى لها معنى .. والاخر يباريه
معنى بنيه صافيه ياهلا به
ومعنى بنيه سيئه وش تبي فيه
هذا كلام ارجو من الله ثوابه
وان اشهد اني مانويت الردى فيه


وارجو ان لايستمر بينكم الخلاف

وسلامتك

[عاشق سراااب]

مــرحبا باعـضـو اللوتـــس الفعٌــال : الأخ طــلال

صح الســانك ... وســــلم بنانـــك

والله يعطيــك العافيــه على هالأبيــات الرائــعه منــك

وعلى مشاركتك لنـــا ... ورائيــك الصائــــب

وأن شالله المــوضع بينتهي قــريب .. لكن أحب أوضح لك أن السبب ماهــو موجــود بين الأبيات

السبب من تصــرف لا من قـــول

وتقبل تحـــيات أخووووك : عاشق سرااااب

[عاشــقة سراااب]

الله لايطول الزعل بينكم ياعاشق سراب

[الفــارس]

بصراحه أنا محتار مين إالي غلطان لكن [ وخيرهما الذي يبدأ بالسلام]