إنسان
18-11-2003, 02:23 AM
سؤال
هل سبق وأن واجهت مشكلة مع شركة الاتصالات ؟
الاجابة الاكيدة نعم
اما انا فكلي مشاكل مع هذي الشركة
:confused:
اسمعوني وخلوني انفس عن ما بداخل قلبي ( مسوي كاتب مجلات )
واحد من الشباب عمل لي تنازل عن جواله ورحنا الشركة وسجلناه باسمي المهم ان الفاتورة الاولى بعد ماصار باسمي نزلت بعد شهر ونص ( الى الان عادي وتصير باكبر العائلات ) المهم ان الفاتورة جاتني وفيها اشتراك 220 ريال ( 120 عرفناها + 50 رسوم تنازل ) والبقية ما ادري ؟
راجعت الشركة قالوا سدد واعترض
قلت ماشي عز الله لانشب لهم نشبه ماهي صاحيه
رحت اسدد واخطيت في رقم المشترك وفصلوا جوالي
راجعتهم وانا شايل الايصال حق التسديد وفرحان فيه كني طالب ناجح من اولى طبعا بديت من اول السلم مثل مايقولون رحت مكتب الاشتراكات بعد ماسألت عن طريق الرقم اللي يخبل العالم 902 وقالوا هذا من اختصاص مكتب الاشتراكات المهم ان الموظف قال لي هذي من صلاحيات ادارة الفواتير في خلال عشر دقايق وهم حالين موضوعك بس عشر دقايق ( واكد عليها حتى انه خلاني متشائم ان السالفه فيها ايام )
المهم رحنا الادارة المبروكة وكلمت الموظف وشيك على الجهاز حصل السداد نزل بالغلط على حساب واحد غيري وهذا الحساب ملغي ( يعني غير مستخدم ) وقال جيب لنا راعي الحساب يسوي لك تنازل عن المبلغ :mad: وطبعا انا عصبت وقلت وين اعرفه هذا راعي الحساب قال لازم تجيبه لانه ايش يضمن لي انك انت اللي مسدد مو ماخذ الايصال من الارض طبعا قلت اجيب لك كشف بالعملية من البنك قال لا
طلعت ونزلت من عند المدير والموظفين قالوا روح للبنك واطلبه يرد لك المبلغ لان عنده صلاحية ( شوف الاستهبال على العملاء ) بعد محاولات توصلنا الى اتفاق بعد مخاطبة ادارة الفواتير الرئيسية بالرياض انه يعيدوا لي الجوال بعد ما اسوي معاملة يسمونها فتح خلاف ( وحسب قولهم هذي يبغالها اسبوعين ويمكن ثلاثة ) وافقت طبعا وانتهى الجزء الاول من المشكلة بعد يومين انفصل الجوال مره ثانية وقالوا ان الكمبيوتر فصله وبعد مراجعه رجعوه كل هذا والمعاملة راحت للرياض كيف ؟ بالبريد
تخيلوا في زمن الفا** والنت ترسل معاملة بالبريد ومن مين من الشركة راعية الفا** والنت ( تخلف ) وعلى الحاله هذي اسبوعين وانا كل يومين عندهم الى ان سافر واحد من الشباب للرياض ووصيته يراجع لي بالمعاملة وتصدقوا حصلها وين ؟
في درج واحد من موظفي ادارة التحصيل بالرياض راميها وماهو مبالي وفي نفس اليوم خلصها خويي الله يعطيه العافية وانتهت المشكلة الاولى
هل سبق وأن واجهت مشكلة مع شركة الاتصالات ؟
الاجابة الاكيدة نعم
اما انا فكلي مشاكل مع هذي الشركة
:confused:
اسمعوني وخلوني انفس عن ما بداخل قلبي ( مسوي كاتب مجلات )
واحد من الشباب عمل لي تنازل عن جواله ورحنا الشركة وسجلناه باسمي المهم ان الفاتورة الاولى بعد ماصار باسمي نزلت بعد شهر ونص ( الى الان عادي وتصير باكبر العائلات ) المهم ان الفاتورة جاتني وفيها اشتراك 220 ريال ( 120 عرفناها + 50 رسوم تنازل ) والبقية ما ادري ؟
راجعت الشركة قالوا سدد واعترض
قلت ماشي عز الله لانشب لهم نشبه ماهي صاحيه
رحت اسدد واخطيت في رقم المشترك وفصلوا جوالي
راجعتهم وانا شايل الايصال حق التسديد وفرحان فيه كني طالب ناجح من اولى طبعا بديت من اول السلم مثل مايقولون رحت مكتب الاشتراكات بعد ماسألت عن طريق الرقم اللي يخبل العالم 902 وقالوا هذا من اختصاص مكتب الاشتراكات المهم ان الموظف قال لي هذي من صلاحيات ادارة الفواتير في خلال عشر دقايق وهم حالين موضوعك بس عشر دقايق ( واكد عليها حتى انه خلاني متشائم ان السالفه فيها ايام )
المهم رحنا الادارة المبروكة وكلمت الموظف وشيك على الجهاز حصل السداد نزل بالغلط على حساب واحد غيري وهذا الحساب ملغي ( يعني غير مستخدم ) وقال جيب لنا راعي الحساب يسوي لك تنازل عن المبلغ :mad: وطبعا انا عصبت وقلت وين اعرفه هذا راعي الحساب قال لازم تجيبه لانه ايش يضمن لي انك انت اللي مسدد مو ماخذ الايصال من الارض طبعا قلت اجيب لك كشف بالعملية من البنك قال لا
طلعت ونزلت من عند المدير والموظفين قالوا روح للبنك واطلبه يرد لك المبلغ لان عنده صلاحية ( شوف الاستهبال على العملاء ) بعد محاولات توصلنا الى اتفاق بعد مخاطبة ادارة الفواتير الرئيسية بالرياض انه يعيدوا لي الجوال بعد ما اسوي معاملة يسمونها فتح خلاف ( وحسب قولهم هذي يبغالها اسبوعين ويمكن ثلاثة ) وافقت طبعا وانتهى الجزء الاول من المشكلة بعد يومين انفصل الجوال مره ثانية وقالوا ان الكمبيوتر فصله وبعد مراجعه رجعوه كل هذا والمعاملة راحت للرياض كيف ؟ بالبريد
تخيلوا في زمن الفا** والنت ترسل معاملة بالبريد ومن مين من الشركة راعية الفا** والنت ( تخلف ) وعلى الحاله هذي اسبوعين وانا كل يومين عندهم الى ان سافر واحد من الشباب للرياض ووصيته يراجع لي بالمعاملة وتصدقوا حصلها وين ؟
في درج واحد من موظفي ادارة التحصيل بالرياض راميها وماهو مبالي وفي نفس اليوم خلصها خويي الله يعطيه العافية وانتهت المشكلة الاولى